نكت المسمومين
أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم
******************************
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
******************************
هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي
******************************
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت
******************************
واحد المسموم صور بّاه و هوما كيدفنوه، و كل نهار كيخدم الكاسيطة لأمه
******************************
واحد مسموم عينوه رئيس د البوليس. أول حاجة دارها ناض بدل رقم الطوارئ من 190 ل 08397287873902982
******************************
واحد المسموم اتصل بالراديو و أهدى أغنية بابا فين للأيتام ف عيد الأب
******************************
واحد الشفار مسموم دخل لواحد الدار يسرقها و ما لقى فيها والو. ناض اتصل بأمريكا و خلى السماعة مرفوعة و مشى
******************************
هادا واحد قال لمرته: انتي حمامة
قالت له: لا، أنا غزالة
قال لها: واخا. المهم حيوانة
******************************
واحد المسموم عندو طاكسي. طلق مرتو، و مللي مشى يوصّلها لدار بّاها خدم ليها الكونتور
******************************
واحد المسموم جرى عليه بّاه من الدار. ناض كتب على باب دارهم: مقر تنظيم القاعدة
******************************
واحد المسموم تجوج... و مشى لشهر العسل بوحدو
ليست هناك تعليقات: